Kisah - Pambahenan Hu Tu Dainang Do On

Posted 13-07-2015 14:30  » Team Tobatabo

biasana, inanta i manggadis possal do nahuida tiap ari, ala jonok tu dalan buntu jabu nami, sai mamolus huhut tarbereng simalolong hu inatta i molo mamalik arah, "pecal, pecal, pecal..." sai ninna manggora, hea do marpiga piga hali hutuhor possal nai, disorlethon dibibir, mangonai tu dila, laos mabaor tu usus nabalga on

"pak, beli kue saya pak... kue saya belum laku satu pun", ninna... "kalau kue saya sdh ada yg laku, saya tidak berani ketuk pagar bapak", ninna muse mangulakkon.

hujou ibana manjonok tu teras ni jabu, hundul ma jolo ho inang, nikku... laos hubuat minum na dohot buah anggur, hulehon tu ibana.

"aha na digadis mi, biasana possal do digadis ho ganup ari", nikku [memang nungnga tung leleng ibana dang hubereng]

"kue do on, ai dang adong be modal hu mambahen possal", ninna

adong hubereng akka kue ongol-ongol, kue lapis, dohot akka kue basah.

"ai ho do mambahen on ibu?", nikku manukkun

"daong amang, holan manggadis do au, boi ma dapot 300 perak sabiji", ninna

songon na lungun rohakku mambege alus nai, "tole ma inang, hutuhor pe annon kue mi, saonari hundul ma jolo ho, ai tung loja do ho hubereng, dungi muse sai hira na marsahit do ho huida", nikku

"ido, dibagasan parsahiton do au saminggu on, mordong do parnidaan ku, jala mura mura do au loja, ai naung so adong be boras nami dijabu, marsahit muse do suamiku, jala anakku pe marsahit do nuaeng", ninna huhut manetek ilu na

"aha sahit ni anak mi?", nikku

"dang huboto, alai molo mokkol mokkol ibana, kaluar mudar sian pamangan na!", ninna

gabe songon na ponjot satokkin perasaan hu "ikkon boanon mu do anakmi tu puskesmas, kan adong do saonari BPJS", nikku

"aha bahenon ongkos na amang, jala aha bahenon mamboan i?, ai molo huoppa pe so na margogo be au, ai dang adong hepeng manggarar ongkos", ninna

"sadia do dapot mu pangomoan mu namartiga tiga on tiap ari?", nikku

"dang tontu amang, sipata 10 - 30 ribu boi do nian", ninna

molo mulai on, nungnga au be na manetek ilu sian simalolong, ai tarpikkir tu au boha ma gogo ni hepeng na sai mambalanjoi rumatangga songon dia pe taho.

"aha dope usaha mu asing sian on", nikku manulikkiti muse

"holan on do karejo ku, ai maila do au mangido ido, jala ikkon mulak do au jam 3, asa boi manuhor boras loppaon sadari i, tu suami dohot anakkon hi", ninna alai nanget alani soppol hosa na

"ibu!, pallean ma kue on tu jolma nalewat annon nion ma tuhor na, nion manuhor boras mu 1 bulan on, nion laho ongkos ojek mu 10x bolak balik mamboan anak mu marubat, jala las nion ma hepeng modal mu mambahen possal muse, jala boan ma anggur on laho tu suamim annon di jabu", nikku

tangis do inanta i, jala marhusor do sian karosi ni teras i, songgot ro tu joloku hira na marsomba tu hu, dang adong hata na, alai dipaulak do hepeng na hulehon ni "molo naeng manuhor do ho, tuhor ma kue on, alai ndang adong na asing na hupangido... ai maila situtu do au", ninna

hutiop apala gomos tangan ni inanta i, "ibu, ndang na laho tu ho hepeng on, laho tu inong hu do on, hubahen pe on laho naeng pasangap hon dainang do au, asa unang marisuang sude akka pambahenan na naburju saleleng on pasikkolahon au, mulak ma ho dah!", nikku laos tarboto ma tong do hape mohop daging ni inanta i, songon na nidok nai, ai dibagasan parsahiton do tong ibana.

sai maraburan ma iluna, "dang olo be au ro tuson amang, ai dang diallang ho hape kue on, holan alani asi ni roham do hape di au, maila situtu do au nuaeng", ninna

hudok ma mangalusi "ibu, dang na so lomo rohakku kue on, alai na butong dope au, alai sai na adong do annon halak namale naeng mangallang kue mon, sonari mulak ma ho dah!", nikku

hututup ma pittu ni jabu, laos hubereng ma gobbar ni dainang hi, naung jumolo tagan so dapot au dope napinarsitta ni rohakku, sambil huapus gobbaran nai, sai hira na makkatai ibana mandok "nauli do nabinahen mi amang!", hira na ninna mangubit bibir nai.

masuk ma au tu kamar muse, hubukka ma facebook on, sai hujahai ma akka status ni akka jolma namora, apala magigi situtu au mamereng dohot manjaha.

--------------
alai molo gobbar on, rekayasa do on, asa unang pangotngot hu do tangis mu akka dongan naung so mar inongi, marningot sude nalungun i.

Sumber Facebook Bahasa Batak

MUNGKIN INGIN ANDA BACA LAGI