Cari

Humor Batak Supir Angkot Jago Mangogapi

Posted 25-03-2013 20:11  » Team Tobatabo

Adongma dua halak supir ni angkutan umum, martokkar ma halaki di dalan songononma hatana; “Aha do maksudmu lae?”, ninna si Togar (poso, sekitar 30 tahunan) manjonok tu angkot ni si Sakkot (setengah baya, sekitar 45an tahun).

Di alusi supir si Sakkot “Ho do aha maksudmu lae? Ndang tabo cara muna i nangkanin”. Ro . Supir Togar, ninna “Cara muna do na so tabo. Ndang adong dikalekson hamu hami tanda naeng lewat hamu”. Supir Sakkot: “Ho do na hurang ajar lae, sae dipepet hamu hami tu kiri, na naeng pamatehon hami do hamu? Di kiri nami i jurang. Dungi hamu ndang adong mangkalekson. Supir si Togar.

loading...

Ahu do, hurang ajar”. huhut lam emosi, “Akh, heang…, molo naeng maen eta. Eta annon manang didia, Dokma”. Supir Sakkot turun si angkotna, “Bah, saonnari ma eta. Dirippu ho do mabiar ahu”.si Bonar sebagai penumpang di angkot ni si Sakkot na hundul di jolo alias ACC merasa ingkon saut do na dua halak on main). Supir Togar manjawab, “Par Siantar on do ahu, awas ho annon di huta nami an”. supir si Sakkot “Bah, dirippu ho do holan ho par Siantar,au pe SIANTAR MAN do, molo naeng main, eta saonnari, unang pola paente annon.

Suara na lam karas, bohi na marmerah manahan muruk na. Sementara Supir si Togar lao tu mobil na sambil mandok, “Awas ho da!”. Intor mengkel do ahu di bagasan rohaku mangida kejadian i. Memang ma, angka na jago mangogapi do tahe angka jolma on. Tingki naeng ditopari, intor langsung mangalului alasan, manang langsung lao sambil mandok, “Awas ho da!”.

Gabe taringot ahu tu cerita tentang halak Batak mangogapi halak par huta na asing di Jakarta. Didok na, “Kalau kau tak senang, ayok kita main nanti di pasar”. Dijawab alona i, “Sekarang aja kita main di sini, biar kubantai kau di sini”. Balos ni kedan halak Batak i, “Khan sudah saya bilang nanti”, las mangiccir ma bao i mulak tu jabu na. Tarimangi ma angka ogap-ogap di ngolunta on. Sai na adong do i, alai tergantung hita ma songon dia menyikapi na, manang, molo diboto hamu teknik dohot cara mangogapi na mantap, attar-attar share hamu jo bah di halaman komen.

 
 
 
 
 

Silahkan beri pendapat anda pada kolom komentar di bawah