Cari

Andung Ni Boru Sunda Di Parlao Ni Sibillem

Posted 25-04-2017 13:52  » Team Tobatabo

Nga tung tok ulu ni si Billem tinggal di huta. Dung tamat ibana singkola SMA sian ibukota kabupaten, dihuta nama ibana mangurupi inongna mangula. Borhat tu hauma tonga 8 manogot nai, mulak jam 6 botari i. Nga tung mansai bosan ibana dirutinitas nai dihuta. Alani i naeng mangaranto ma ibana tu Bandung manguji nasib.

Dung adong 4 taon dipangarantoan,hasea do antong si Billem on jala las mangoli ma ibana tu boru Sunda. 3 bulan dung mangoli di Bandung, mulak ma ibana tu huta songonna patandahon ripena i tu natorasna. Rencanana sabulan ma halaki tinggal dihuta. Hape dunghon sahat dihuta hira-hira 2 minggu, marsahit ma ibana mansai posa las marujung ngolu ma dihuta.

loading...

Songon na somal dihuta i, marroan ma angka si solhotna mangandungi si Billem on. Anggo boru Sunda i, ripe ni si Billem on holan na tangis do alai dang mangandung songon na somal di halak batak.

Didapothon namboru ni si Billem jala dipahundul ma dilambung ni ripe ni si Billem on.

Namboru : "Kalau mau mengandung kamu inang, mengandunglah....!"
Boru Sunda : "Belum mengandung (hamil) aku namboru" (alai huhut ma tangis hasisinggohan)
Namboru : "Bukan itu maksudku inang. Mengandung itu artinya menangislah.....dalam tangismu ceritakanlah kesedihanmu ditinggalkan si Billem ini"

Bingung ma si boru Sunda, boha ma bahenonhu ninna rohana. Alai anggo namboru ni si Billem sai didok ma hatana on asa ingkon mangandung boru Sunda i.

Ala nga dohot angka ina-ina na pungu disi sai manggogohon ingkon mangandung ibana, terpaksa ma diandunghon ibana, jala mansai gogo do soarana.....

"Pilu....
Rasa hatiku...
Sejak kau....
Tinggalkan aku...."

Longang sude na pungu disi, ai sala mangantusi siboru Sunda lapatan ni namangandung, ai gabe ende "PILU" ni Panbers do diendehon.

Mauffff ma ho met sore ma ate

 
 
 
 
 

Silahkan beri pendapat anda pada kolom komentar di bawah