Humor Batak: Ai Boru Aha Do Calonmu Jogal?

Nungnga leleng sai tarpaima Oppung ni Si Jogal asa mulak sian pangarantoan na huhut mamboan calon isteri na. Ala na nungnga lam matoras umur ni Si Jogal alai dang marna marhasohotan dope. Molo martelepon Oppung na tu Si Jogal, pittor sai rokkap i do dihatai.

Pas ma na bulan na salpu, mulak ma attong Si Jogal tu huta, topet adong ulaon sian kantor na ninna tu Sumut. Disangahon Si Jogal ma mulak tu jabu. Nga disi tong Oppung na paimahon. Oppung na boru na remeng on i ninna.

Dung sahat Si Jogal, manghata-hatai ma nasida. Ro ma tu pikkiran ni Oppung na manukkun rokkap ni pahoppu nai.

Oppung: Jei, boha do poang Jogal, andigan do ho mangoli? Nungnga lam matua iba. Nanggo apala sanga idaonku ho mangoli.

Jogal: Sai maos do holan i disukkun Oppung. Na asing ma jo hita hatai.

Oppung: Ai so boha hu dok. Na manukkun do au. Ai adong do haroa Borua na jonok-jonok ditengger-tengger ho naeng calon?

Jogal: Adong. Gok disi.

Oppung: Ai serius jo ho poang Jogal, Boru aha ma nuaeng na lagi dijonok-jonoki ho, Amang?

Jogal: (huhut digaruki ulu na) Agoh, Pung. Sai gok disan akka anak boru.

Oppung: Bah, ido? Tuani ma poang. Attar Boru aha do haroa?

Jogal: (lam suntuk mangalusi sukkun-sukkun i). Akka Borua na rajin ma tu Balian ma. Tenang ma Oppung. Beres mai. Gok disi.

Oppung: Bah, nga denggan i. Boru aha mai poang?

Jogal: (mulai gemerutuk ipon). Gok disi, di balian an gok akka Si Boru Tasik. (lariii....)

Oppung: Agoh, baba ni amam. Adui ni inam. Mauf ma ho jogal, songon jorbut mi. (huhut disappakhon parsitijuran ni napuran na tu si Jogal).

Hahahahaha...

NB: Diboto hamu do tahe Si Boru Tasik? Sejenis Burung Bangau Berbulu Putih, tapi ada ‘tasik’-nya alias warna kuning mirip karatan di sebagian bulunya. Gok di balian di Toba songoni. Apalagi molo lagi ulaon, habis mambukka tobat. hehehehe