Si Ucok Martandang Ke Rumah Hallet Dapat Dari Facebook

Adong nion cerita bah akka dongan semoga terhibur.

Adong ma sepasang parhallet na marsitandaan sian Facebook naeng pajumpang untuk melepas kangen naung marapi pudun.

UCOK: Ito…nunga sahat au di huta muna on, pas di dalan na balga…sabola dia do tahe jabu ni ito ?

BUTET: Oh…na adong gapura na i ma ito, masuk ma ito hira-hira 50 meter, adong jabu gedong 2 tingkat, warna kuning, adong mobil na godang.

UCOK: Siap ito…..

Tep piga menit naik di sukkun si Ucok ma muse sian telepon

UCOK: Ito, nunga pas di jolo ni jabu gedong on au, on do jabu muna?

BUTET: Daong ito…sian i belok ma ito tu siamun, hira-hira 100 meter adong lapangan Badminton, di samping na i ma ito.

UCOK : Ito ! Nunga di lapangan badminton on au, na disamping na i do jabu muna?

Sossok barang i, nina roha ni si Ucok

BUTET: Daong ito…jabu ni tukkang dappol do i, sian i lurus ma ito, pas lewat jambatan tarbereng ito ma anon adong tulisan “ISI ULANG PULSA”.

UCOK: Ito… na jualan pulsa i do jabu muna ? (Agak tarhirim, ale cewek counter HP pun okelah inna rohana)

BUTET: Daong…konter do i ito, sian i belok ma tu hambirang,  dung dapot anon kuburan, adong dijolo na i sada jabu tagelleng.

UCOK: (mulai kesal)…..Jadi, i do jabu muna na dijolo ni kuburan i ???

BUTET: Eee…daong ito, jabu ni panjaga kuburan i do i, lurus ma ito mangalewati pamatang ni hauma, anon tarbereng 
ito ma adong lobu ni horbo.

UCOK: (mandele)…..Aaggahhh…! I do jabu muna ?

BUTET: Bah…na dirippu ito do hami horbo ? Daong ito, sian i lurus dope 200 meter nai sahat tu pinggir ni harangan.

UCOK: (muruk)…..Jadi, di harangan i ma ito tinggal ?

BUTET: So jo ito…memang bodat tinggal di harangan ? Sai na asing-asing do ito on. Terobos ito ma harangani,  adong dalan tagelleng…sahat ma anon tu sopo-sopo, pas ma di samping na i jabu nami.

UCOK: (tamba muruk)….. Ito…sahali nai didok ho dang jabum i…molo pajuppang ikkon huleon nama inumonmu kopi SIANIDA. So diboto ito huroa, nunga naeng hallus dugul-dugul hu.

BUTET: Hehehee….sabar ito, unang pola muruk, hatop anon ito matua. Toho do, i ma jabu nami, beha nunga juppang ni ito ?

UCOK : (songon na lumbang dihilala)…… Nunga be ito, nunga di jolo ni jabu on be au ! Agoi amang nunga assit sude daging hu ! Nunga songon na maropuk holi-holing hu ! Tolong ma jolo dappol ito anon ate…heheheheeee.

BUTET: Masuk ma ito, adong do inong di jabu sahalak na, maklum ma ito, alana nga matua.

UCOK: Molo ito lagi haluar huroha sian jabu ?

BUTET: Owh…molo au lagi di Malaysia do ito, TKW…!!!

Pintor gale ma si Ucok, dungi dang heabe ibana mambuka Facebook sampe 1 bulan.