Cari

Humor Batak Terbaru Taringot Tu Umur ni Si Billem Dohot Tulang

Posted 10-02-2017 00:55  » Team Tobatabo

Di sada tikki, ro ma tulang ni si billem marmeam tu jabu ni si billem. Jala tulang na on sa umuran do dohot si billem (lae ni bapa ni si billem). 

Jadi rap mangan halaki sajabu. Kebetulan inong si billem on baru maneat manuk. Jadi ittor didokkon si billem on ma tu inong nai

loading...

Billem : inong, di au ma bilalang na on ateh?
Inong na : bah, unang holan di ho amang, jolo
sukku jo Tulang mi, atik boha lomo rohana.
Billem : saotik nama inong, holan di au ma on.
On pe nga hurang di au.
Among na : bah, unang songoni ho amang. Dang boi
Songoni martulang, di ingot ho do poda
Na sering hu dokkoni tu ho kan?
Billem : olo among sai hu ingot doi tong-tong.
"Tung manang didia pe hita maringanan, 
Molo dalihan na tolu i sai tong do gabe 
Pundasi, hula-hula ido di gijang" ido hata
ni among tu au.
Among na : bah ima, di ingot ho do hape. Jadi sahali
Nai ikkon sopan do iba tu tulang.
Billem : olo among, dang ulahonon ku be sahali 
Nai songoni.

"Jadi marbagi ma sibillem on dohot tulang nai, rap mangan ma halaki. Dung sidung mangan, borhat ma natua-tua ni si billem on tu Parapat. Lao mangadopi pesta ni amang boru ni si billem. Tading ma si billem dohot tulang na dijabu. 

Rap ma marmeam ma halaki nadua, huroa alani loja ni tulang na on, tarpodom ma tulang na on di kamar. Suang songoni dohot si billem, nga borat be simalolong na. Dibuat ibana ma sapu, di sapu ma kamar on, modom ma ibana di lante ni kamar i.

Dang sadia leleng, mulak ma natua-tuani si billem. Dibereng ma si billem modom di lante, hape tulang na on modom di tempat tidur. Jal di dok inong na on ma.

Inong na : billem, billem... dungo ho bapa.
Billem : ou inong, ahai inong? Nga dungo be au
Inong na : ai boasa modom di lante ho amang?
Naso ngalian di hilala ho?
Billem : ngali do inong, alai na sai tong do hu 
Ingot poda ni among si narian tu au.
Inong na : poda na idia mai amang?
Billem : di dokkon among. tung manang didia pe
Hita maringanan, unang lupa hita tu 
Dalihan natolu i, hula-hula ido di gijang
Inna among tu au, ido umbaen na gabe
Modom di toru au.

Ittor maleng-leng ma roha ni inong na on mambege hatani si billem na polosi, dihaol ma si billem on uhut sai di ummai inong na on. Mekkel ma tutu among ni si billem on mambege gatani anak nai.

 
 
 
 
 

Silahkan beri pendapat anda pada kolom komentar di bawah